غاب القمر🌙 - منتديات غلا روحي


طهّر مسَامعك ’ ۞ دستور المنتدى 彡 مركز التحميل ’ ツ الأذكار ≈
العودة منتديات غلا روحي > .ღ المنتديات الأدبيـه ღ. > || بوح القصيد والشعر..

غاب القمر🌙


إضافة رد
 
أدوات الموضوع
قديم منذ /08-12-2017, 03:50 AM   #1

بنت بدوي
مايكبرني لقب بصلي كبيره


 

بنت بدوي غير متصل

  info عُضويتيّ arrow 21931
  info تسجيليّ arrow Aug 2017
  info مُشآركاتيّ arrow 1,921
  info حلالي arrow 247
  info قوة عطآئي arrow بنت بدوي has a brilliant future
  info نقآطيّ arrow 2
Female

 
افتراضي غاب القمر🌙




السلآم عليكم ورحمة الله وبركاته
https://youtu.be/h1VrI0U-dZA

غاب القمر والصبح بانت شروقه
والعين حلو النوم عيت تذوقه
وبديت قاف(ن) وافيات(ن) طروقه
ألفية(ن) والمبتدى عالي الشان
الألف:ألفت المثايل وبديت
ذكر الله اللي محصي الحي والميت
المعتلي علام ماكان كنيت
في ظامري وأدعاني اليوم عمسان
الباء::بثني للنبي والصحابه
حق علينا ذكرهم ينثنابه
ولامقصدي من مابدعته طرابه
يعلم بي اللي عالم(ن) كل ماكان
التاء:ترى مايبدع القاف مرتاح
ولايضحك المفجوع حلو التمزاح
ولو يبدعه كنه طعام(ن) بلا أملاح
ماله طعم يثر على الحال نقصان
الثاء:ثمان سنين والقلب مفجوع
لاطايع(ن) غيري ولانيب مطيوع
أسهر إلى إن الفجر بان بطلوع
متكدر جفني عن النوم سهران
الجيم:جار الوقت والوقت مذموم
ولا صفالي بالهنا منه لو يوم
جار الزمان وبدل القوم في القوم
ولا يذكر الأ اللي من المال مليان
الجا:حرار القوم ضاعت مع الناس
الوقت عاداهم وداس الذي داس
وطاوع كثير المال لو هو من الأنجاس
وعصى بعض ياناس ذربين الأيمان
الخا:خوي الطيب ماظن يلقاه
اللي ليا حدك عنا الوقت تنصاه
أقفا زمان الطيب وين أنت وياه
فقير ماعندك رصيد(ن) وعمران
الدال:دوابي من عنا الوقت دالوب
كن الغضا في ماسط القلب مشبوب
عفت الطعام وعفت أنا كل مشروب
من ذا الزمان اللي جزاني بنكران
الذاء:ذهب هالوقت ماهوب صافي
ناس(ن) يغرونك بزين اللصافي
واليا بحثته بان ماكان خافي
حديد ماله مع هل الجود ميزان
الراء:رفيع النفس بالدين محمود
لو هو فقير يدرك الجود ويجود
ولو تطلبه شئ ولاهوب موجود
في منزله يوقف مواقيف ديقان
الزاء:زرعت الطيب والله شاهد
وبالعون ماقصرت في حق واحد
أنا أحسب إن الزرع يثمر لحاصد
وأثريه صبخا من زرع فيه خسران
السين:سل عن صاحبك قبل الأسفار
قبل تغرب عن مرابعك لديار
كانه عنيد ودايم الدوم عسار
خله ترى مايبصر النور عميان
الشين:شاب الرأس والسن توه
من ذا الزمان اللي فلابه مروه
يالله راعي الطيب يالله قوه
على زمان(ن) شيب اليوم شبان
الصاد:صابر والصبر درب الأفراج
وأرجي الذي منه المخاليق ترتاج
أنه يفرج لي مع الضيق مخراج
وأجازي الطيب على الطيب بأحسان
الضاد:ضحك الوقت لاتنخدع به
لو هو حلا نومك وزادك وشربه
الله من تاجر زمانك غدر به
خلاه عقب المال مايملك غران
الطا:طبيب النفس غاية مناها
ولاتسمع اللي عن طريقه نهاها
كم نفس ماتت موصلت مبتغاها
أنشد وتلقى اللي نظمناه وكدان
الظا:ظهر خافي ضميري وسجلت
قافي وأنا مبطي عن القاف ماقلت
ولانيب خايف بالتماثيل ماعلت
والحق يظهر له شهود وبرهان
العين:عن هرج القفا دوم حذراك
تراك ماتكسب ورا شيله أملاك
كم من هروج(ن) قطه الهرج بشراك
وأسبابها من قولة فلان لفلان
الغا:غني النفس ياطيب فاله
يقالله نعمين ياجا مجاله
والأردي النفس راعي نذاله
لانافع(ن) نفسه ولاهوب ربحان
الفا:فعول الطيب ترفع جلالك
ياصرت طيب كل شخص يعنالك
ولو مت في وسط المجالس عيالك
لو هم صغار(ن) مايشوفون حقران
القاف:قلت حيلتي وأجتهادي
في ذا الزمان اللي به الطيب غادي
عندك خبر ماكل علم(ن) وكادي
بالناس صدقان(ن) وبالناس كذبان
الكاف:كم من طاح بالحبس مظلوم
وهو سليم الجوف لاشك متهوم
ماقدر المولى على الناس مقسوم
ولا لك على ماقدر الله عصيان
اللام:لاتبدي على الناس خافيك
ماكل من يضحك بوجهك يدانيك
كم من صديق(ن) تحسب أنه مصافيك
وهو خسيس(ن) بالمواجيب خوان
الميم:مالك عن نصيبك مفرا
إن كنت في جو وبحر(ن) وبرا
ماقدر المولى عليك أستقرا
اللي خلق من طينة القاع إنسان
النون:نوح الطير لاتحسب أنه
غنا طرب يالقرم من زود فنه
يمكن معاسير الليالي وطنه
ماكل طير(ن) يزعج الصوت طربان
الها:هني اللي تمسك بدينه
قبل العمر بالغي تقضي سنينه
نفسه لصومه ولصلاته فطينه
هذاك له في جنة الخلد مسكان
الواو:ودي مير ماهو بكيفي
إن العرب تمشي بقلب(ن) نظيفي
غنيهم يلطف بحال الضعيفي
حتى تساوى الناس في كل الأوطان
اليا:يعل الله يقبل دعاتي
حيثه عليم بسيتي وحسناتي
والخاتمه صلوا كثير الصلاتي
على نبي(ن) خاتم(ن) كل الأديان




  رد مع اقتباس
قديم منذ /08-12-2017, 03:53 AM   #2

بنت بدوي
مايكبرني لقب بصلي كبيره


 

بنت بدوي غير متصل

  info عُضويتيّ arrow 21931
  info تسجيليّ arrow Aug 2017
  info مُشآركاتيّ arrow 1,921
  info حلالي arrow 247
  info قوة عطآئي arrow بنت بدوي has a brilliant future
  info نقآطيّ arrow 2
Female

 
افتراضي رد: غاب القمر🌙







  رد مع اقتباس
قديم منذ /08-12-2017, 07:06 AM   #3

جمان
 
الصورة الرمزية جمان

 

جمان غير متصل

  info عُضويتيّ arrow 21220
  info تسجيليّ arrow Aug 2016
  info مُشآركاتيّ arrow 22,264
  info حلالي arrow 392
  info قوة عطآئي arrow جمان has a spectacular aura aboutجمان has a spectacular aura aboutجمان has a spectacular aura aboutجمان has a spectacular aura aboutجمان has a spectacular aura aboutجمان has a spectacular aura about
  info نقآطيّ arrow 17
Female SaudiArabia

 
افتراضي رد: غاب القمر🌙




يا جمال هطولك عزيزتي
مبدعه في الانتقاء
سلمتِ وسلمت أناملك الذهبيه


دمتي بود




  رد مع اقتباس
قديم منذ /08-12-2017, 04:11 PM   #4

بنت بدوي
مايكبرني لقب بصلي كبيره


 

بنت بدوي غير متصل

  info عُضويتيّ arrow 21931
  info تسجيليّ arrow Aug 2017
  info مُشآركاتيّ arrow 1,921
  info حلالي arrow 247
  info قوة عطآئي arrow بنت بدوي has a brilliant future
  info نقآطيّ arrow 2
Female

 
افتراضي رد: غاب القمر🌙




شكر لك




  رد مع اقتباس
إضافة رد

الكلمات الدلالية (Tags)
القمر🌙, غاب


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


توقيتُنا الآن , يُشير - إلىْ 10:48 PM


Powered by vBulletin® Copyright ©2000 - 2018, vBulletin Solutions, Inc.
بـِ سَرقتُكَ لـ الحُقُوق ، أَنت تُقلّدُنَا وِسَامَ التّمَيّز وَ الانفراد بـ المميّز
أقلام و إبداعات أعضائنا هي ملكٌ لهم فقط ،تعبّر عنهم فقط ..
مجتمع و منتديات غلا روحي ® أقلام شكسبيرية وريشة دافنشيه